१७.१२°C काठमाडौं
काठमाडौंमा वायुको गुणस्तर: १६३

पाठशाला घर र नाट्यशालाको उद्घाटन

काठमाडौँ — काठमाडौंको बानेश्वरमा अवस्थित पाठशाला नेपाल फाउन्डेसनले हालै आफ्नो नवनिर्मित भवन ‘पाठशाला घर’ को उद्घाटन गरेको छ । काठमाडौं विश्वविद्यालयका पूर्व उपकुलपति सुरेशराज शर्मा र द्वारिका होटलकी अध्यक्ष अम्बिका श्रेष्ठले संयुक्त रुपमा शिलालेख अनावरण गरेर पाठशाला घरको उद्घाटन गरेका हुन् ।

पाठशाला घर र नाट्यशालाको उद्घाटन

यसैगरी पाठशाला घरमा निर्मित मदनकृष्ण नाट्यशालाको उद्घाटन वरिष्ठ हास्यव्यङ्ग्य कलाकार मदनकृष्ण श्रेष्ठले गरे ।

कार्यक्रममा उपकुलपति शर्माले नेपालमै अन्तर्राष्ट्रिय स्तरका विद्यालय निर्माण हुँदै गएकाले शिक्षाका लागि बाहिर जाने क्रम रोकिँदै जाने विचार व्यक्त गरे । त्यस्तै कलाकार मदनकृष्ण श्रेष्ठले पाठशाला विद्यार्थीको उचित गन्तव्य बन्नेमा विश्वास व्यक्त गरे ।

कवि अर्जुन पराजुलीको सभापतित्वमा सम्पन्न कार्यक्रममा राष्ट्रिय परीक्षा बोर्डका अध्यक्ष महाश्रम शर्मा, गायक आनन्द कार्की, कलाकार मनोज गजुरेललगायतले शुभकामना दिएका थिए ।

विश्वबजारमा प्रतिस्पर्धा गर्न सक्ने र आफ्नो मूल्यमान्यतालाई जोगाउने नागरिक उत्पादन गर्न यो भौतिक संरचना आवश्यक भएको कुरा प्रबन्ध निर्देशक टङ्कराज आचार्यले बताए ।

प्रकाशित : जेष्ठ १७, २०७९ १२:३३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?