विहारलाई बुद्ध मूर्ति प्रदान
संखुवासभा — खादबारीमा रहेको त्रिरत्न बुद्ध विहारलाई ३ फिटको बुद्धको मूर्ति प्रदान गरिएको छ । चैनपुर नगरपालिका ६ का तीर्थराज बज्राचार्य, कर्णकुमारी बज्राचार्य र गीता बज्राचार्यको स्मृतिमा उनीहरुका ५ छोरीहरुले बुद्धको मूर्ति उपलब्ध गराएका हुन् ।
छोरीहरु विजया, सुशीला,सुरुची,रुकमुनी र मञ्जुले ३ फिटको बुद्धको मूर्ति उपलब्ध गराएको बुद्ध विहारले जनाएको छ । उनीहरुलाई खाँदबारी शाक्य समाज र त्रिरत्न बुद्ध विहारले एक कार्यक्रमबीच बिहीबार सम्मान गरेको छ ।
विहारलाई विनोद पराजुली, सुरुची बज्राचार्य पराजुली र छोरी सुबु फराजुलीले निर्माण हुन लागेको बुद्ध गार्डेनका लागि ५० हजार नगद समेत सहयोग गरिएको छ । दाताहरुलाई त्रिरत्न बुद्ध बिहारका र्तबाट प्रमाणपत्र र खादाले सम्मान गरिएको छ । समाजका अध्यक्ष किरणकुमार शाक्य, जयन्द्र शाक्य लगायतले सम्मान गरेका थिए ।