काठमाडौँ — कान्तिपुरकर्मी अंगद ढकाललाई पितृशोक परेको छ । भक्तपुर निवासी उनका बुबा ६७ वर्षीय कृष्णबहादुर ढकालको केही दिनदेखि सिनामंगलस्थित अस्पतालमा उपचार भइरहेको थियो । उनमा कोरोना संक्रमण देखिएको थियो भने मधुमेह रोगबाट समेत पीडित थिए ।
उनको शुक्रबार दिउँसो निधन भएको परिवारका सदस्यले जानकारी दिए ।
कृष्णप्रसादका दुई छोरा, एक छोरी र श्रीमती छन् ।
काठमाडौँ — नेकपाका अध्यक्ष पुष्पकमल दाहालले दुुई अध्यक्षबीचको कार्यविभाजनमा अर्का अध्यक्ष ओलीले हलो अड्काउने र गोरु चुट्ने नीति अवलम्वन गरेको बताएका छन् ।
ओलीलाई लेखेको दोस्रो पत्रमा उनले भनेका छन्, ‘दुुई अध्यक्षबीचको कार्यविभाजनको सन्दर्भमा तपाईंले जहिले पनि हलो अड्काउने र गोरु चुट्ने नीति अवलम्वन गर्दै आएको कुराले मलाई निकै ठूलो पीडा र अपमानबोध गराएको छ । पार्टी एकताको बेलाको समान हैसियत, आलोपालो अध्यक्षता र आलोपालो सरकार समेत मैले तपाईंको जिद्दी र पार्टी एकताप्रतिको मेरो निष्ठाका कारण छोड्दै गएँ । तर, मैले जति त्याग गर्यो तपाईंले त्यति नै अपमानित गर्ने काम बढाउँदै लानुभयो ।’
दाहालले ओलीलाई लेखेको दोस्रो पत्र:
प्रकाशित : कार्तिक २८, २०७७ १९:५१
