नेपाल बैंकको 'ब्राण्ड एम्बेस्डर'मा महाविर पुन 

कान्तिपुर संवाददाता

काठमाडौँ — नेपाल बैंक लिमिटेडले राष्ट्रिय आविष्कार केन्द्रका अध्यक्ष महावीर पुनलाई ब्राण्ड एम्बेस्डरमा नियुक्त गरेको छ । युवाहरुलाई उद्यमी बन्‍न र मुलुकको आर्थिक विकासमा योगदान दिन लागि परेका पुनलाई बैंकले सोमाबारदेखि लागू हुने गरी ब्राण्ड एम्बेस्डरमा नियुक्त गरेको हो ।

सोमबार आविष्कार केन्द्रको कार्यालय कीर्तिपुरमा आयोजित एक समारोहमा ब्राण्ड एम्बेस्डर नियुक्ति सम्झौतामा बैंकका प्रमुख कार्यकारी अधिकृत कृष्णबहादुर अधिकारी र केन्द्रका अध्यक्ष पुनले हस्ताक्षर गरे । हस्ताक्षरपछि प्रमुख कार्यकारी अधिकृत अधिकारीले पुनलाई बधाई दिँदै राष्ट्रिय आविष्कार केन्द्र स्थापना गरेर नयााँ सोच भएका युवालाई उद्यमी बन्न प्रेरित गरिरहेका व्यक्तिलाई ब्राण्ड एम्बेस्डर नियुक्त गर्न पाउनु गर्वको विषय भएको बताए । उनले नेपाल बैंक युवा उद्यमीहरुसँग हातेमालो गर्दै देशको समृद्धिका लागि योगदान दिन तयार रहेको बताएका बैंकका प्रकाशकुमार अधिकारीले जारी विज्ञप्तिमा उल्लेख छ ।


पुनले नेपालकै सबैभन्दा जेठो बैंकको ब्राण्ड एम्बेस्डर बन्न पाउनु आफ्ना लागि सौभाग्य भएको बताए । वायरलेस प्रविधिद्वारा देशको ग्रामीण क्षेत्रमा सूचना प्रवाह गर्ने लक्ष्य बोकेर नेपाल वायरलेस सञ्जाल परियोजनामार्फत इन्टरनेट सञ्‍जाल विस्तार गर्न सफल व्यक्तित्व पुन म्याग्दीको नांगी गाउँमा जन्मिएका हुन् । उनले एसियाको नोबेल पुरस्कारले चिनिने ‘रोमन म्यागासेसे अवार्ड’ जस्ता महत्वपूर्ण सम्मानहरु पाएका छन् ।

प्रकाशित : फाल्गुन २१, २०७६ १२:२४
ADVERTISEMENT
प्रतिक्रिया
पठाउनुहोस्
ADVERTISEMENT

राष्ट्रिय सभाका निर्वाचित सांसदले लिए शपथ [नामावलीसहित]

कान्तिपुर संवाददाता

काठमाडौँ — संघीय संसद्‍को माथिल्लो सदन राष्ट्रिय सभाका १८ जना सांसदले पद तथा गोपनीयताको शपथ लिएका छन् । दुई वर्षे कार्यकाल पूरा गरेर १९ जना सांसद राष्ट्रिय सभाबाट बाहिरिएको एकदिनपछि बुधबार १८ जना सांसदले शपथ ग्रहण गरेका हुन् । आज शपथ लिएका सांसदको कार्यकाल ६ वर्षको हुनेछ ।

माघ ९ गते निर्वाचित भएका १८ सांसदले शपथ लिएका हुन् । राष्ट्रपतिबाट मनोनीत हुने एक जनाको भने टुंगो लागेको छैन । राष्ट्रपतिबाट मनोनीत युवराज खतिवडाको दुई वर्षे कार्यकाल मंगलबार सकिएको थियो ।

राष्ट्रिय सभा अध्यक्ष गणेशप्रसाद तिमिल्सिनाले नवनिर्वाचित सांसदहरूलाई पद तथा गोपनीयताको शपथ खुवाएका हुन् । शपथ ग्रहणपछि अध्यक्ष तिमिल्सिनाले नयाँ सांसदहरूलाई सांसदको लोगो लगाइदिएका थिए । संघीय संसद सचिवालयले नयाँ सांसदहरूलाई संविधान र कानुनसहितको झोला दिएको थियो । १८ जना नयाँ सांसदमा सत्तारुढ नेकपाका १६ र राजपाका २ जना छन् ।

शपथ लिने सांसदहरु

  • शेखरकुमार सिह
  • मृगेन्द्रकुमार सिंह यादव
  • गंगाकुमारी बेल्बासे
  • वेदुराम भुसाल
  • इन्दिरादेवी गौतम
  • गोपीबहादुर सार्की अच्छामी
  • देवेन्द्र दाहाल
  • तुलसाकुमारी दाहाल
  • राधेश्याम पासवान
  • नारायणकाजी श्रेष्ठ
  • भगवती न्यौपाने
  • गोपाल भट्टराई
  • सुमित्रा विसी
  • मायाप्रसाद शर्मा
  • शारदादेवी भट्ट
  • तारामान स्वाँर
  • विमला घिमिरे
  • जगप्रसाद शर्मा

आज संसद प्रवेश गरेकामा ७ महिला, २ दलित, २ अपागंता भएका वा अल्पसंख्यक र ७ जना अन्य समूहबाट निर्वाचित भएका हुन् । नयाँ सांसदहरूको शपथ ग्रहण कार्यक्रममा राष्ट्रियसभाका उपाध्यक्ष शशीकला दाहाल, राष्ट्रियसभामा संसदीय दलका नेताहरू, मुख्य सचेतकहरू, सचेतकहरू, सांसदहरू, कार्यकाल सकिएर बाहिरिएका पूर्व सांसदलगायतको उपस्थिति थियो ।

कस-कसको सकिँदै छ राष्ट्रिय सभामा पदावधि ?

प्रकाशित : फाल्गुन २१, २०७६ ११:४०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×