जापानी सम्राटको जन्मदिवस काठमाडौंमा

कान्तिपुर संवाददाता

काठमाडौँ — ‘साथी हो’ राजदूत मासामिची साइगो आँगनभरी भरिएका भीआइपी पाहुनातिर हेर्दै मुस्कुराए र हातको ग्लास ओठसम्म एक घुटको लिनुअघि भने, ‘सम्राटको स्वास्थ्य यसैगरी राम्रो रहिरहोस् भन्दै खुसीको यो पलमा रमाऔं ।’

उपराष्ट्रपती नन्दबहादुर पुनदेखि परराष्ट्रमन्त्री प्रदीप ज्ञवालीसम्मका दुई सयभन्दा बढी आमन्त्रितहरुले जापानमा एक वर्षअघि गद्दीमा बसेका ६० वर्षीय सम्राट नारुहितोको स्वास्थ्यको कामना गरे र जापानी साकेको चुस्की लिए।

‘आज हाम्रो राष्ट्रिय दिवस हो,’ घरदेखि टाढा काठमाडौंमा राजदूतका हैसियतले सम्राटको पहिलो जन्मोत्सव धुमधामसँग मनाउन पाउँदा खुसी देखिएका मासामिचीले भने, ‘यहाँहरु आइदिनुभयो, बुहतै खुसी छु।’

शुक्रबार साँझ उनले पाहुनाहरुलाई दूतावासमै तयार पारिएका अनेक जापानी व्यञ्जनहरु चखाए र टोकियोदेखि झिकाइएका कलाकारहरुलाई जापानी वाद्ययन्त्रहरु बजाउन लगाएर सांगितिक स्वागत पनि गरे।

वृद्ध पीताले स्वेच्छाले गद्दी त्यागेपछि राजकाज चलाउन थालेका ६० वर्षीय नारुहितोले जापान आफनो नेतृत्वमा ‘रेइवा युग’ अर्थात सुन्दर र शान्त समयमा प्रवेश गरेको घोषणा गरेका छन्। सम्राटका रुपमा उनको पहिलो जन्मोत्सव नेपाल र काठमाडौंस्थित कूटनीतिज्ञसँग मनाउन पाएकामा खुसी लागेको मासामिचिले बताए।


प्रकाशित : फाल्गुन ३, २०७६ २१:०२

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

वुहान पुग्यो विमान, केही बेरमै स्वदेश फर्कंदै (तस्बिरहरुसहित)

स्वरूप आचार्य

काठमाडौँ — कोरोना भाइरसको उद्‍गमस्थल चीनको हुवेई प्रान्तको वुहान र आसपासका क्षेत्रबाट नेपालीहरु लिनका लागि नेपाल वायुसेवा निगमको वाइडबडी जहाज शनिबार राति चीनमा अवतरण गरेको छ । 


नेपाली समय ४ बजेर १ मिनेटमा निगमको वाइडबडी जहाज वुहानतर्फ उडेको थियो। विमान साँझ ८ बजे वुहानमा अवतरण गरेको चीनमा अध्ययनरत एक नेपालीले इकान्तिपुरलाई बताए।

यतिबेलाविमानमा लगेज राख्‍ने काम भइरहेको छ। त्यहाँको विमानस्थलमा कर्मचारीहरु कम भएका कारणले नेपालीहरुको तापक्रम मापन र बोर्डिङ पास हुन केही ढिलाइ भएको छ।

उद्धारको पर्खाइमा रहेका नेपालीहरु शनिबार दिउँसै वुहानको एयरपोर्टमा जम्मा भएका थिए। वुहानबाट स्थानीय समयअनुसार रातको ११ बजे नेपाली नागरिकलाई लिएर निगमको वाइडबडी विमान काठमाडौं फर्कनेछ।आइतबार बिहान सवा २ बजे विमान काठमाडौंमा अवतरण गर्ने तालिका रहेकाे छ।

काठमाडौं आइसकेपछि चीनबाट फर्किएका १८२ जनालाई कम्तीमा १४ दिन भक्तपुरको खरिपाटीमा अवस्थित नेपाल विद्युत प्राधिकरणको तालिम केन्द्रमा राखिनेछ। विमानका ‘ककपिट क्रु’लाई कम्तीमा एक हप्ता आइसोलेसनमा राखिनेछ भने बाँकी ‘क्याबिन क्रू’ लाई भने १४ दिन नै क्वारेन्टाइनमा राखिनेछ।

नेपाल एयरलाइन्सको अपरेसन डिपार्टमेन्टका क्याप्टेन दीपु ज्वारचनका अनुसार चीन जाने विमानमा एक विदेशी र एक नेपाली गरी दुई जना पाइलट, ६ जना क्याबिन क्रु, १ जना इन्जिनियर, १ जना फ्लाइट डिस्प्याचर, १ जना लोड मास्टर र ४ जना नेपाली सेनाका चिकित्सक छन्।

प्रकाशित : फाल्गुन ३, २०७६ २१:००
पूरा पढ्नुहोस्
प्रतिक्रिया
पठाउनुहोस्
×