कोरोना भाइरस संक्रमणको अवस्था नियन्त्रणमै छ : सचिव बराल- कुराकानी - कान्तिपुर समाचार
कान्तिपुर वेबसाईट
AdvertisementAdvertisement

कोरोना भाइरस संक्रमणको अवस्था नियन्त्रणमै छ : सचिव बराल

कान्तिपुर संवाददाता

कोभिड क्राईसिस म्यानेजमेन्ट सेन्टर (सीसीएमसी) सचिवालयका संयोजक एवं प्रधानमन्त्री तथा मन्त्रिपरिषद्को कार्यलयका सचिव खगराज बरालसँग गरिएको संक्षिप्त कुराकानी :

संक्रमण बढिरहेका बेला सीसीएमसी के कुरामा केन्द्रित छ ?

नियन्त्रण रोगथाम र प्रतिकार्यमा ।

अहिले अक्सिजन सिलिन्डरदेखि बेडसम्मको अभाव देखिएको छ । सीसीएमसी के कुरामा केन्द्रित छ भन्न खोजेको ?

आजको दिनभरी त हामी अक्सिजमै फोकस छौं । भोलिदेखि हामी अरु कुरामा फोकस हुन्छौं । बेडका लागि त स्वास्थ्य मन्त्रालय लागिरहेको छ नि त ।

अक्सिजनको अभाव कसरी पूर्ति होला त ?

अक्सिजनको अभाव त केही समय लाग्ने भो । तैपनि हामीले अभावलाई पूर्ति गरिरहेका छौं । हामीले हरेक अक्सिजन उत्पादन केन्द्रमा सुरक्षाकर्मी खटाएका छौं । बाहिरबाट पनि सिलिन्डर ल्याएर आवश्यकता पर्दा रिफिल गरेका छौं । विराटनगर, सुनसरीतिरबाट पनि ल्याउन मिल्नेजति ल्याएका छौं । कूटनीतिक ढंगबाट पनि आह्वान भएको छ । मित्रराष्ट्रहरुले पनि केही सहयोग गर्छु भनेका छन् ।

अब कति दिनमा अक्सिजनको अवस्था सहज हुन्छ भन्नेबारे केही अनुमान गर्नुभएको छ ?

यो त बिरामी कति बढ्छन् भन्नेमा भर पर्छ । घट्यो भने अक्सिजन पुग्छ । अहिलेभन्दा डबल बिरामी भए भने त अक्सिजन पुग्दै पुग्दैन नि !

त्यही पनि तपाईंहरुले संक्रमण कसरी बढ्छ भन्नेमा केही अनुमानहरु त गर्नुभएको होला नि त ?

तपाईंले कस्तो कुरा नबुझेको । बिरामी बढ्नेबित्तिकै अक्सिजनको आवश्यकता बढीहाल्छ ।

कतिसम्म बिरामी बढ्छन् भन्नेबारे केही आंकलन छैन ?

त्यो त स्वास्थ्य मन्त्रालयलाई थाह छ ।

अघिल्लो कोरोना लहरमा त सीसीएमसीले कसरी संक्रमण बढ्छ भन्नेबारे केही लेखाजोखा पनि गरेको थियो नि त ।

सीसीएसमीले यस्तो अनुमान गर्दैन । गरे पनि स्वास्थ्य मन्त्रालयले हो गर्ने । उसले गरेको अनुमानको भरमा हामी चल्ने हो ।

त्यसोभए तपाईंहरुले कुन स्थितिसम्मका निम्ति तयारी गर्नुभएको छ त ?

स्वास्थ्य मन्त्रालयले यति चाहिन्छ सिलिन्डर, यति चाहिन्छ आईसीयु भनेको छ त्यो हिसाबमा सरकारले बेड थपेको छ । वीर अस्पतालको सर्जीकल वार्डलाई कोरोना वार्ड बनाउने, ५ सय बेड पुर्‍याउने काम गरेको छ । बेड थपेर मात्रै पुग्दैन, स्वास्थ्यकर्मी थप्ने, अक्सिजन थप्ने, आईसीयु र भेन्टिलेटर थप्ने काम पनि हुनुपर्‍यो । स्वास्थ्यकर्मी थप्नका लागि अस्ती क्याबिनेटले निर्णय नै गरिदिएको छ । ६ महिनालाई डेडी तलब दिनु, एक वर्षलाई करारमा राख्नु भनेको छ ।

बाहिरको अवस्था हेर्दा भयावह देखिन्छ र हामी नियन्त्रणबाहिर गएजस्तो देखिन्छ । तपाईंहरुले त्यहाँ बसेर हेर्दा कस्तो देखिन्छ ?

अब तपाईंहरुले त्यहाँ बसेर हेर्ने, हामीले यहाँ बसेर हेर्ने हो । तपाईंहरुले बाहिर गएर ह्याभोक (भयावह अवस्था) क्रियट गर्ने हो, हामीले होइन अवस्था नियन्त्रणमै छ भन्ने यही त हो नि !

प्रकाशित : वैशाख २५, २०७८ २०:३१
प्रतिक्रिया
पठाउनुहोस्

कोरोनाले ब्रिटिस र सिंगापुर भर्ती मिति सर्‍यो

नेपालबाट लिइने भर्नाको पूर्वनिर्धारित कार्यक्रम प्रभावित हुनुका साथै पहिलेभन्दा भर्तीको कोटा पनि घट्यो
गणेश राई

काठमाडौँ — कोरोना संक्रमणको दोस्रो लहर फैलिएपछि ब्रिटिस सेना र सिंगापुर प्रहरीको भर्ती दर्ता मिति तीन हप्ता पछाडि सरेको छ ।

पोखरामा सम्पन्न इन्टेक–२१ मा ब्रिटिस आर्मीमा भर्ती भएको नव जवानहरू । तस्बिर साभार : आर्मी डट एमओडी डट यूके

‘देशभरि फैलि“दै गइरहेको कोभिड–१९ को महामारीको संक्रमण रोकथामका लागि नेपाल सरकारले जारी गरेको आदेशलाई पालना गर्दै ब्रिटिस आर्मी तथा सिंगापुर पुलिसको भर्ती दर्ता हुने मिति तीन हप्ताले पछाडि सारिएको जानकारी दिन चाहन्छौं,’ ब्रिटिस आर्मी मुख्यालयले आफ्नो वेबसाइट आर्मी डट एमओडी डट यूकेमा भनेको छ, ‘मिति बदली भएको नयाँ कल फर्वर्ड लिस्ट तुरुन्त वेबसाइटमा राख्नेछौं । हामीले अवस्थाको निरन्तर समीक्षा गरिरहने छौं अनि कुनै फेरबदल गर्न परेमा तथा आएमा तुरुन्तै खबर गर्नेछौं ।’

रिक्रुट इन्टक–२०२२ का निम्ति उक्त जानकारी गराएको हो । अघिल्लो सूचनामा जेठ १० गतेदेखि साउन १४ गतेभित्र रजिस्ट्रेसनको समय तोकेको थियो । ‘कृपया नेपाल सरकारले जारी गरेको आदेश पालना गर्नुहोस्,’ रिक्रुटमेन्ट हेर्ने डेपुटी रेक्रुटिङ अफिसर ज्याकमेलले भिडियो सन्देशमा भनेका छन्, ‘डिसेम्बरबाट सेन्ट्रल सेलेक्सन सुरु हुन्छ । सुरक्षित रहन सावधानी अपनाउनुहोस् । समूहमा नभई सकेसम्म एक्लै तालिम गर्नुहोस् । सधैं मास्क लगाउनुहोस् । २ मिटरको सामाजिक दूरी सधैं कायम राख्नुहोस् । साबुन पानीले सधैं हात धुनुहोस् । सधैं स्वस्थ अनि सुरक्षित रहनु होस् ।’ भर्ती प्रक्रिया निःशुल्क, निष्पक्ष र पारदर्शी हुने भएकाले कुनै व्यक्तिको पछाडि नलाग्न सुझाएका छन् ।

महामारीकै कारण बेलायत सरकारले आगामी वर्षका निम्ति भर्ती नीति कडाइ गरेको छ । यसअघि पूर्वमा धरान र पश्चिम पोखरामा रजिस्ट्रेसन र क्षेत्रीय छनोट गथ्र्यो भने यो पटक रजिस्ट्रेसन (नाम लेखाउने), क्षेत्रीय र केन्द्रीय छनोट पोखरामा गर्ने भएको छ ।

आउ“दो वर्षका निम्ति कोटा घटाएर ब्रिटिसतर्फ २ सय ३० जना र सिंगापुरका निम्ति १ सय ४० जना छनोट गर्नेछ । ब्रिटिसतर्फ विगतको तुलनामा १ सय १० जनाको कोटा घटाएको छ । रजिस्ट्रेसन खुला गरिए पनि क्षेत्रीय र अन्तिम छनोटका निम्ति ब्रिटिसतर्फ ३ हजार र सिंगापुरका निम्ति २ हजार जना मात्र बोलाउने भनिएको छ ।

यस पटक प्रतिस्पर्धीले नाम लेखाउने बेलामै गणितको जाँच दिनुपर्नेछ । त्यसैगरी बाह्र पटक ओभरआर्म हेभिङ, २० किलोको भारी बोकेर रिपिटेड लिफ्ट एन्ड क्यारी दौड १ मिनेट ४६ सेकेन्डमा पार गर्नुपर्नेछ । यसअघि क्षेत्रीय छनोटमा मात्र स्पर्धा गराइन्थ्यो ।

यसैगरी साधारण मेडिकल चेकअप, न्यूनतम १ सय ५८ सेन्टिमिटर उचाइ भएका प्रतिस्पर्धीले बडी मास इन्डेक्स (बीएमआई) का आधार छनोट हुन सक्नेछ । एसईईमा अंग्रेजी र गणितमा कम्तीमा ‘सी ग्रेड’ हासिल गरेको हुनुपर्ने छ । नागरिक र राहदानीसहित बाबु–आमाको नागरिकता साथै गाउँ/नगरपालिकाबाट ठेगाना प्रमाणित भएको सिफारिस अनिवार्य बुझाउन भनिएको छ । आगामी प्रारम्भिक चरणमै कोरोना भाइरसको लक्षण नदेखिएको र १० दिन क्वारेन्टाइनमा बसेको प्रमाण पेस गर्न भनिएको छ ।

भदौ १३ देखि असोज २४ गतेभित्र हुने क्षेत्रीय छनोटमा शैक्षिक जाँच, अंग्रेजी भाषा, शारीरिक तथा स्वास्थ्य परीक्षण र अन्तर्वार्ताको सामना गर्नुपर्नेछ । यसैगरी २ मिनेट ३० सेकेन्डमा आठ सय मिटर दौड पूरा गर्नुपर्नेछ । यसअघि २ मिनेट ४० सेकेन्ड समय दिइन्थ्यो । यस्तै दायाँ–बायाँ हातमा २०–२० किलो तौलको जेरिक्यान बोकेर २ सय ४० मिटर दूरी दुई मिनेटमा पार गर्नुपर्नेछ । सिंगापुरतर्फ कात्तिक २४ देखि एक महिनाभित्र क्षेत्रीय छनोट हुने जनाइएको छ ।

क्षेत्रीय छनोटमा परेकालाई केन्द्रीय छनोटमा बोलाइने छन् । सिंगापुरको माघ ८ देखि १७ गतेभित्र छनोट भइसक्नेछ । त्यसपछि ब्रिटिस गोर्खा माघ १९ देखि फागुन १० गतेभित्र छानिने जनाइएको छ । शारीरिक, शैक्षिक र मेडिकल जाँच लिइने जनाइएको छ ।

प्रकाशित : वैशाख २५, २०७८ २०:२७
पूरा पढ्नुहोस्
प्रतिक्रिया
पठाउनुहोस्
×