त्रिचन्द्र क्याम्पसमा विद्यार्थीले गरे तालाबन्दी

पठनपाठनका लागि कक्षाकोठा र शैक्षिक सामग्री समेत उपलब्ध हुन नसकेको विद्यार्थीको गुनासो छ । चर्को शुल्क फिर्ता, नियमित कक्षा सञ्चालन, ट्रेनिङ र परामर्शको व्यवस्थालगायत माग राखेर तालाबन्दी गरिएको एक छात्राले जानकारी दिइन् ।

एमए चौथो तहका लागि ३८ हजार शुल्क तोकिएकोमा पनि विद्यार्थीले असन्तुष्टि जनाएका छन् । उक्त शुल्क पद्मकन्या क्याम्पस र त्रिभुवन विश्वविद्यालको केन्द्रीय विभागमा सञ्चालन गरिएको कार्यक्रमभन्दा दोब्बर बढी रहेको विद्यार्थीहरुको भनाइ छ ।