एउटा दलाल कविको कथा- दसैं विशेष - कान्तिपुर समाचार
कान्तिपुर वेबसाईट
AdvertisementAdvertisement

एउटा दलाल कविको कथा

फूलमान वल

कविजी भनिरहन्थे– 
‘इमानको मसीले लेख्नुपर्छ कविता 
नैतिक हुनुपर्छ अक्षरहरू’

सहरका गोष्ठीहरूमा

कवि सम्मेलनहरूमा

भट्टीहरूमा

कविजी दोहोर्‍याइरन्थे–

‘भुइँमान्छेका आँसु र आक्रोशको आरनमा

डढेको हुनुपर्छ कविता

पसिनाको दूर क्षितिजबाट साँझपख भोकै फर्किरहेका

कर्मठ गौंथलीहरूको गीत गाउनुपर्छ कविताले

जब कविताले सुकिला शब्दहरूको छाता ओढ्न थाल्छ

बिम्ब र प्रतीकबीच दलाली गर्न थाल्छ

तब कविता मर्छ

कविता त, एन्टिकरेन्ट हुनुपर्छ एन्टिकरेन्ट !


लेख्दालेख्दै कविता

कविजीको उमेर ढल्किँदै गयो

सँगैका संगीहरू

–मन्त्री बने

–गुन्डा नाइके बने

–ठेकेदार बने

–लाहुरे बने

–जग्गा दलाल बने

तर कविजी कवि नै रहिरहे

लेखिरहे– यो देशमा म एउटा असल मान्छे खोजिरहेछु ।


अचानक एक दिन,

कविजी हराए

सहरका कवि गोष्ठी, सम्मेलन र भट्टीहरूमा

देखिन छाडे कविजी

अखबारका दसैं अंकबाट पनि

कविजीको नाम गुमनाम बन्यो


महिनौंपछि–

काँठको कुनै भित्री गाउँबाट

कविजीको फोन आयो–

‘निकै सस्तोमा जग्गा पाइन्छ है मित्र !

प्लटिङ थालेको छु, कहिले हेर्न आउने ?’

प्रकाशित : कार्तिक १, २०७७ १०:१९
प्रतिक्रिया
पठाउनुहोस्

१२ हजार घूससहित वनरक्षक पक्राउ

अमृता अनमोल

बुटवल — वनका काठ ओसारपसारमा सहजीकरण गरिदिएबापत सेवाग्राहीसँग १२ हजार रुपैयाँ घूस लिँदै गर्दा रुपन्देहीको सब डिभिजन वन कार्यालय मुर्गियाका एक कर्मचारी पक्राउ परेका छन् ।

अख्तियार दुरुपयोग अनुसन्धान आयोगको कार्यालय बुटवलले वनरक्षक प्रेमचन्द्र विकलाई शनिबार बिहान ८.५० बजे सैनामैना नगरपालिका–६ कलौनीचोकबाट रकमसहित रंगेहात पक्राउ गरेको हो ।

पीडितले दिएको सूचनाका आधारमा उनीहरुलाई नियन्त्रणमा लिएको आयोगका सूचना अधिकृत सरेश भुसालले बताए । पटक–पटक गुनासो आएका उनीमाथि थप अनुसन्धान भइरहेको अधिकृत भुसालले जानकारी दिए ।

प्रकाशित : कार्तिक १, २०७७ १०:०३
पूरा पढ्नुहोस्
प्रतिक्रिया
पठाउनुहोस्
×