शक्ति र प्रेम- दसैं विशेष - कान्तिपुर समाचार
कान्तिपुर वेबसाईट
AdvertisementAdvertisement

शक्ति र प्रेम

मोमिला

हे ईश्वर !
तिम्रो अध्यक्षतामा भइरहेको
आँसुको सम्मेलनमा
अचानक म हाँस्न पुगेछु
मलाई क्षमा गर ईश्वर !

आज, म

हाँसोको सम्मेलनमा हाजिर छु

बाटै छेक्ने कति घाउहरूको पर्खाल

आँसुको बाढीले भत्काएर

केवल तिम्रो दर्शनार्थ

यहाँसम्म आइपुगेको छु, ईश्वर !


म त तिमीमाथि भरोसा राखेर

कतै पुगिन्छ कि भनी हिँडिरहकै छु

तर, पुग्नुको कुनै आभास छैन

हे ईश्वर !

यतिखेर म बिल्कुल शून्यमा छु, शून्यमा !

कतै तिम्रो शक्तिमा पनि

अहङ्कारको सेपले

प्रेम बिल्कुल मुर्झाएको त होइन !


हुन त तिमी पनि एक्लो छौ ईश्वर !

यसर्थ तिमीले

जगतमा विश्वास साँचेको मान्छेमै

अन्तिम भरोसा खोज्यौ


तर, यो देशले जस्तै

तिमीले पनि

शक्ति र प्रेम एकसाथ भएको मान्छे

सायद, कहिल्यै भेटेनौ !

प्रकाशित : कार्तिक १, २०७७ १४:२५
प्रतिक्रिया
पठाउनुहोस्

हनुमान ढोकाको दसैं घरमा जमरा राखियो [तस्बिरहरु]

तस्बिर : सन्जोग मानन्धर

काठमाडौँ — नवरात्रको पहिलो दिन घटस्थापनाको अवसरमा घरघरमा दसैंको जमरा राखिएको छ । दसैंको पहिलो दिन घटस्थापनाका अवसरमा घरघरमा जमरा राख्‍ने गरिन्छ । यही अवसरमा काठमाडौंको हनुमान ढोकास्थित नासल चोकमा रहेको दसैंघरमा पनि जमरा राखिएको छ ।

बिहानै नित्यकर्म गरी नजिकको नदी वा चोखोस्थलबाट बालुवा वा माटो ल्याइ गाईको गोबरले लिपपोत गरिएको कोठामा वा दसैंघरमा जमरा रोप्ने गरिन्छ । घटस्थापना गर्दा पूजाकोठा वा दसैं घरमा विधिपूर्वक दियो, कलश र गणेश स्थापना गरी वैदिक विधिपूर्वक शक्तिकी अधिष्ठात्री दुर्गाको आह्वान गरी पूजा आरम्भ हुन्छ ।

नवरात्रभर दुर्गाका तीन रुप महाकाली, महालक्ष्मी र महासरस्वतीको विधिपूर्वक पूजाराधना गरिन्छ । महाकाली शक्ति, महालक्ष्मी धनधान्य र ऐश्वर्य तथा महासरस्वतीलाई विद्या र बुद्धिको प्रतिकका रुपमा पूजाराधना गर्ने वैदिक कालदेखिको परम्परा छ ।


प्रकाशित : कार्तिक १, २०७७ १४:०९
पूरा पढ्नुहोस्
प्रतिक्रिया
पठाउनुहोस्
×