नाट्य प्रतिष्ठानले मनायो 'विश्व रंगमञ्च दिवस'

प्रतिष्ठानको प्रांगणमा पर्फमिङ आर्टस् प्रस्तुत गर्दै यो दिवस मनाइएको हो ।

कार्यक्रम प्रतिष्ठानको कुलपति निशा शर्मा, उपकुलपति शम्भु राईलगायत नाट्यकर्मीहरुको उपस्थिति थियो । प्राध्यपक, लेखक अभि सुवेदीले अन्तर्राष्ट्रिय नाट्य समूहको सन्देश कार्यक्रममा सार्वजनिक गरे ।

संस्कृति तथा पर्यटनमन्त्री सुजन किराँतीले समाज बदल्न र विसंगति हटाउन कलाले महत्त्वपूर्ण भूमिका खेल्दै आएको बताए । 'मलाई लाग्दैन कला केवल मनोरञ्जनको स्रोत हो । रंगमञ्च जीवनका लागि हो, जीवन रंगमञ्चका लागि,' किराँतीले भने ।

रंगकर्मी आकांक्षा कार्कीले महिला रंगकर्मीलाई कोटा प्रणालीमै सीमित नगर्न रंगकर्मीहरुलाई अनुरोध गरिन् ।