कौसीमा ‘साथी, साथी आइदेउन !’ - कला - कान्तिपुर समाचार
कान्तिपुर वेबसाईट
AdvertisementAdvertisement

कौसीमा ‘साथी, साथी आइदेउन !’ 

कान्तिपुर संवाददाता

काठमाडौँ — टेकुस्थिति कौसी थिएटरमा नाटक ‘साथी, साथी आइदेउन !’ मञ्चन हुने भएको छ । पुस २८ देखि माघ १५ गतेसम्म मञ्चन हुने नाटकलाई रंगकर्मी आशान्त शर्माले लेखन तथा निर्देशन गरेका हुन्।

यसअघि कोरोना महामारीको असर र आम मानिसको खस्किँदो आर्थिक अवस्थालाई चित्रण गरेर शर्माले गत फागुन महिनामा नाटक ‘ढल्केको सालैजो’ कौसी थिएटरमै मञ्चन गरेका थिए ।

पछिल्लो नाटकमा पनि समकालीन मुद्दालाई विशेष रुपमा उठान गरिएको शर्माले बताए । ‘अहिलेको नाटक एक जना युवतीको कथा हो’, उनल भने,‘अहिलेको युवा पुस्ताको मानसिक स्वास्थ्यको पाटोलाई नाटकमा समेटिएको छ ।’

उनका अनुसार एक युवती जसको मानसिक अवस्थालाई घर, परिवार, साथीभाई कसैले बुझ्ने कोसिस गर्दैन । अन्तिम अवस्थामा मनको पीडालाई बुझ्ने कोही मान्छे प्रवेश गरेपछि युवतीमा आउने परिवर्तनलाई नै नाटकमा मुख्य विषयका रुपमा प्रस्तुत गरिएको छ ।

युवा पुस्ताले समकालीन समयमा भोग्दै आएको मानसिक स्वास्थ्य जस्तो विकराल रुपलाई नाटकले केही हदसम्म भए पनि सन्देश दिने शर्माको विश्वास छ ।

नाटकमा स्वयं शर्मासहित प्रभाकार न्यौपाने, सरला पराजुली, दिव्या मगर, छिरिङ शेर्पा, प्रनिश मगर लगायत कलाकारको अभिनय रहेको छ ।

प्रकाशित : पुस २४, २०७९ १७:५९
प्रतिक्रिया
पठाउनुहोस्

सत्ता साझेदार दलको बैठक बालुवाटारमा सुरु 

कान्तिपुर संवाददाता

काठमाडौँ — सत्ता साझेदार दलहरुको बैठक प्रधानमन्त्री निवास बालुवाटारमा सुरु भएको छ । प्रधानमन्त्री पुष्पकमल दाहालको उपस्थितिमा केहीबेर अघि बैठक सुरु भएको हो । बैठकमा पर्सि प्रधानमन्त्री दाहालले प्रतिनिधिसभामा पेस गर्ने विश्वासको मत, सरकार विस्तार, प्रदेशका मुख्यमन्त्री भागबन्डालगायत विषयमा छलफल हुने प्रधानमन्त्री दाहालका प्रेस संयोजक सूर्यकिरण शर्माले जानकारी दिए ।

प्रदेश १ को मुख्यमन्त्रीमा भने एमालेका नेता हिक्मत कार्की नियुक्त भइसकेका छन् ।

बैठकमा प्रधानमन्त्री दाहाल, एमाले अध्यक्ष केपी शर्मा ओली, उपप्रधामन्त्रीसमेत रहेका राष्ट्रिय स्वतन्त्र पार्टीका सभापति रवि लामिछाने, राष्ट्रिय प्रजातन्त्र पार्टीका अध्यक्ष राजेन्द्र लिङ्देन, जनता समाजवादी पार्टीका अध्यक्ष उपेन्द्र यादव र जनमत पार्टीका अध्यक्ष सिके राउत सहभागी छन् ।


प्रकाशित : पुस २४, २०७९ १७:५४
पूरा पढ्नुहोस्
प्रतिक्रिया
पठाउनुहोस्
×