१० औं नेपाल अफ्रिका फिल्म महोत्सव फागुनमा- कला - कान्तिपुर समाचार

१० औं नेपाल अफ्रिका फिल्म महोत्सव फागुनमा

कान्तिपुर संवाददाता

काठमाडौँ — १० औं संस्करणको 'नेपाल अफ्रिका फिल्म फेस्टिभल २०२२' फागुनको पहिलो सातादेखि आयोजना हुने भएको छ । फेस्टिभलका लागि हालसम्म अफ्रिकाबाट तीन दर्जन फिल्म प्राप्त भएको छ । 

कलेज अफ जर्नालिज्म र विलक्षण क्रिएसनको आयोजनामा सुरु हुने फेस्टिभल 'अफ्रिकालाई अफ्रिकी लेन्सबाटै हेर्नुपर्छ' भन्ने उद्देश्यसहित सुरु भएको फेस्टिभल अध्यक्ष डा. मञ्जु मिश्र बताउँछिन् ।

तीन दिनसम्म आयोजना हुने फेस्टिभलमा अफ्रिकाका फिल्मसँगै नेपाली फिल्म, लघु फिल्म, वृत्तचित्र प्रदर्शनी गरिनेछ ।

महोत्सवमा सहभागी हुन चाहनेले यही पुस महिनाभित्र आयोजकलाई फिल्म पठाइसक्नु पर्नेछ । महोत्सवमा अफ्रिकाका विभिन्न फिल्मकर्मी पनि सहभागी हुनेछन् ।

प्रकाशित : पुस १९, २०७८ १३:३०
प्रतिक्रिया
पठाउनुहोस्

विद्युत् प्राधिकरणको सामान नेपाल एयरलाइन्सबाट ल्याइने

प्राधिकरणका कर्मचारी विदेश भ्रमण जाँदा र कार्गो (सामान ढुवानी) गर्दा निगमकै जहाज प्रयोग गर्ने सम्झौतामा हस्ताक्षर
कान्तिपुर संवाददाता

काठमाडौँ — नेपाल विद्युत् प्राधिकरणको कार्गो (मालसामान) नेपाल वायुसेवा निगमको जहाजमार्फत् ढुवानी गर्ने सम्झौता भएको छ ।

संस्कृति, पर्यटन तथा नागरिक उडड्यनमन्त्री प्रेमबहादुर आलेको उपस्थितिमा निगमका कार्यकारी अध्यक्ष युवराज अधिकारी र प्राधिकरणका प्रबन्ध निर्देशक कुलमान घिसिङबीच नेपाल विद्युत् प्राधिकरणका कर्मचारी विदेश भ्रमण जाँदा र कार्गो (सामान ढुवानी) गर्दा निगमकै जहाज प्रयोग गर्ने सम्झौतामा हस्ताक्षर भएको हो ।

सोमबार सिंहदरबारस्थित संस्कृति, पर्यटन तथा नागरिक उडड्यन मन्त्रालयमा भएको सम्झौतामा प्राधिकरणको सामान ढुवानी र त्यहाँका कर्मचारीले विदेश भ्रमण गर्दा निगमकै जहाज प्रयोग गर्ने उल्लेख गरिएको छ ।

कार्यक्रममा बोल्दै मन्त्री आलेले निगम र प्राधिकरणको कुशल नेतृत्वले सो सम्झौता गरेर प्रशंसनीय कार्य गरेको भन्दै खुशी व्यक्त गरे । उनले निगमकै जहाज प्रयोग गर्न नेपाल सरकारका उच्च पदस्थ कर्मचारीहरु तथा निजी क्षेत्रका उद्योग र व्यापारीहरुलाई पनि आग्रह गरे । मन्त्री आलेले भने, ‘हामीले प्राधिकरण मात्रै नभएर प्राइभेट सेक्टरमा रहेका व्यापारी, उद्योगीहरुको सरसामान ओहोरदोहोर गर्दा पनि हामीले नै पाउनेछौं । यो एउटा प्रशंसनीय काम भएको छ ।’

कार्यक्रममा बोल्दै निगमका कार्यकारी अध्यक्ष अधिकारीले आफूहरुको सो प्रस्ताव सहर्ष स्विकार गरेको भन्दै नेपाल विद्युत प्राधिकरणको नेतृत्वलाई धन्यवाद दिए । यता, प्राधिकरणका प्रबन्ध निर्देशक घिसिङले सम्झौंतामा उल्लेखित गरिएका कुराहरुलाई अक्षरस: पालना गर्ने प्रतिवद्धता व्यक्त गरे ।

सो अवसरमा संस्कृति, पर्यटन तथा नागरिक उडड्यन मन्त्रालयका सचिव महेश्वर न्यौपानेले निगमलाई उकास्न पनि प्राधिकरणसाग गरिएको सो सम्झौंताले सघाउ पुर्‍याउने विश्वास व्यक्त गरे ।

प्रकाशित : पुस १९, २०७८ १३:२३
पूरा पढ्नुहोस्
प्रतिक्रिया
पठाउनुहोस्
x
×