उत्कृष्ट तस्बिरहरु प्रदर्शनी सुरु
पोखरा — नेपाल फोटो प्रतियोगिता २०७६ मा छानिएका उत्कृष्ट तस्बिरहरुको प्रदर्शनी मंगलबारदेखि पोखरामा सुरु भएको छ ।
फोटो पत्रकार क्लब (पिजे क्लब)को आयोजना तथा नेपाल पर्यटन बोर्डको सहकार्यमा पर्यटन बोर्ड, पोखराको हलमा फोटो प्रदर्शनी सुरु भएको हो । प्रदर्शनी उद्घाटन पोखराका फोटोग्राफर विश्वरत्न शाक्य र नेपाल पत्रकार महासंघ कास्की शाखाकी अध्यक्ष बिमला भण्डारीले संयुक्तरुपमा गरेका हुन् ।
चार दिनसम्म चल्ने प्रदर्शनीमा प्रतियोगिताबाट छानिएका १ सय ७५ मध्ये उकृष्ट ११७ फोटो राखिएको पिजे क्लबका प्रवक्ता विकास द्वारेले विज्ञप्तिमार्फत जनाएका छन् ।
नेपाल फोटो प्रतियोगिता २०७६ मा समावेश सात विधाअन्तर्गत सहभागी ७ सय १५ व्यावसायिक र एमेच्योर फोटोग्राफरका गरी ६ हजार २ सय २५ फोटोबीच प्रतिस्पर्धा भएको थियो ।
प्रकाशित : पुस १३, २०७८ २१:१७