कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

मंसिर २४ देखि तामाङ सेलो संगीत महोत्सव 

काठमाडौँ — नेपाल तामाङ कलाकार संघले यही मंसिर २४ र २५ गते तामाङ मौलिक सेलो संगीत महोत्सव गर्ने भएको छ । महोत्सव बौद्धस्थित होटल हायातको खुल्ला मैदानमा हुने कलाकार संघले बिहीबार काठमाडौंमा पत्रकार सम्मेलन गरेर जानकारी दिएको हो ।

मंसिर २४ देखि तामाङ सेलो संगीत महोत्सव 

तामाङ समुदायको उत्पत्ति तथा सभ्यतासँगै जोडिएको डम्फू अर्थात् ताम्बा संस्कृतिको संरक्षण, संवर्द्धन गर्दै नयाँ पुस्तामा हस्तान्तरण गर्ने ध्येयले महोत्सव आयोजना गरेको संघको बतायो । महामारीका कारण अघिल्लो वर्ष भने संघले महोत्सव गर्न सकेन ।

संघका अध्यक्ष विश्व दोङले डम्फू अर्थात् ताम्बा संस्कृतिसँगै आउने तामाङ सेलो संगीतमार्फत तामाङ जातिको पुर्खा, इतिहास, पहिचान तथा सभ्यताको जगेर्ना गर्न सेलो संगीत महोत्सव गर्दै आएको बताए । ‘डम्फू संस्कृति हाम्रो विधि, विधान र संस्कृतिको एउटा कानुन हो’, दोङले भने,‘डम्फूले हाम्रो जन्मदेखि मृत्युसम्मको सबै विधिको ऐतिहासिक कुरा गर्छ । यो तामाङ समुदायको दर्शन पनि भएकोले यसलाई जोगाउन अति आवश्यक छ ।’ डम्फूको तालमा गाउने तामाङ सेलोमा म्हेन्दोमाया, खन्दोके, फापरे गीतहरु समुदायमा प्रचलित रहेको सुनाउँदै महोत्सवमा ती सबैलाई समेटिने उनले सुनाए ।

महोत्सवमा मूल आकर्षकका रुपमा ताम्बा संस्कृति रहनेछ । ताम्बाहरुद्वारा डम्फूको महत्वमाथि समेत परिचर्चाहरु हुनेछन् । दोङका अनुसार ताम्बा तथा मौलिक सेलो गीतहरुको समेत प्रस्तुति रहने महोत्सवले समग्रमा तामाङ समुदायको सभ्यता र संस्कृतिको झल्को दिनेछ ।


प्रकाशित : मंसिर ९, २०७८ २१:१२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?