जेम्सको ‘आइदेऊ आइदेऊ’

‘आइदेऊ आइदेऊ...’ ले एक प्रेमीको इच्छाहरू व्यक्त गर्दछ । गायनसँगै प्रधानले गीतको शब्द र संगीतमा पनि काम गरेका छन् भने ड्रम्समा प्रविन मानन्धर, बेसमा पवन कपाली र गितारमा भूपेन्द्र वज्राचार्य र ज्योति घिमिरे रहेका छन् । नेपाली संगीत बजारमा प्रधान प्रचलित कम्पोजर मानिन्छ । उनले थुप्रै लोकप्रिय हिट गीतहरू दिएका छन् । गायनको भिन्न शैलीका लागि पनि उनी चिनिन्छ ।

टुबोर्ग र च्यानल आरबिट्ररीको प्रस्तुति टुबोर्ग ओपन सेसन्स् एक युट्युब सिरिज हो, जसमा स्टुडियोमा प्रत्यक्ष रेकर्ड गरिएको सांगीतिक प्रस्तुतिहरू पेस गरिन्छ । उक्त डिजिटल प्ल्याटफर्मले विभिन्न प्रसिद्घ कलाकारहरूको सांगीतिक सहकार्यमार्फत पुराना र हालका लोकप्रिय गीतलाई नयाँ शैलीमा प्रस्तुत गर्दछ । नेपाली संगीत उद्योगको विविधतालाई अँगाल्ने र परम्परागत सांगीतिक आधारलाई सम्मान गर्ने पनि यस सेसनको लक्ष्य रहेको छ ।

सिजन १ मा युट्युब च्यानल आरबिट्ररीमार्फत अपलोड गरिएको ५१ वटा बेजोड गीतहरूले १ करोडभन्दा बढी भ्युज संकलन गरेको छ ।