अनुष्कालाई मल्टिमिडिया अवार्ड

कान्तिपुर संवाददाता

लन्डन — यस वर्षको मिस नेपाल विजेता अनुष्का श्रेष्ठले लन्डनमा आयोजना हुने मिस वर्ल्डमा सहभागी हुँदै बिहीबार प्रतियोगिताको सबटाइटल मल्टिमिडिया अवार्ड जितेकी छन् ।

ZenTravel

अघिल्लो संस्करणमा पनि नेपालकी शृंखला खतिवडाले उक्त टाइटल जितेकी थिइन् । मल्टिमिडिया अवार्ड जितेपछि खुसी व्यक्त गर्दै अनुष्काले आफूलाई मत दिने सबैप्रति आभार व्यक्त गरेकी छन् ।

Meroghar

लन्डन एक्सेल हलमा ताजका लागि शनिबार हुने ६९ औं मिस वर्ल्ड प्रतियोगितामा एक सय ११ मुलुकका सुन्दरीले प्रतिस्पर्धा गर्दै छन् । अनुष्का यसअघि नै हेड टू हेड च्यालेन्ज राउन्डमा इन्डोनेसियाकी सुन्दरीलाई जितेर टप ४० मा परिसकेकी छन् । यसबाहेक उनी ‘ब्युटी विथ अ पर्पोस’ को टप १० मा पनि परेकी छन् ।

प्रतियोगिताका लागि आफ्नो बुद्धि विवेक र क्षमताले भ्याएसम्म बलियो उपस्थिति जनाउने अनुष्काले बताएकी छन् ।

प्रकाशित : मंसिर २६, २०७६ २१:०४
प्रतिक्रिया
पठाउनुहोस्
ADVERTISEMENT
ADVERTISEMENT

मध्यवर्तीमा बाघ र हात्ती आतंक

एक्लै हिँड्न डरमर्दो
हात्ती र बाघको आक्रमणमा परिएला कि भनेर रात पर्नासाथ गाउँले झ्यालढोका थुनेर बस्ने गरेका छन्
कमल पन्थी

बर्दिया — एक महिनाअघि बाघको आक्रमणबाट ठाकुरबाबा नगरपालिका–१ डुम्रेनीस्थित ७० वर्षीया पहरिया थारूको मृत्यु भयो । घरनजिकै बंगुरलाई आहारा दिन गएका बेला उनलाई बाघले आक्रमण गरेको थियो । त्यही समय आसपास बाघ आक्रमणबाट गेरुवा गाउँपालिका–४ को सामुदायिक वनमा घाँस काट्न गएकी स्थानीय रामकली शाहीको ज्यान गयो ।

बर्दिया निकुञ्जको मध्यवर्ती क्षेत्रमा तीन महिना अवधिमा बाघको आक्रमणबाट तीन जनाको मृत्यु भइसकेको छ । पछिल्लो एक वर्षमा बाघ आक्रमणबाट निकुञ्जभित्र चार र मध्यवर्तीमा दुई जनाको मृत्यु भएको निकुञ्जले जानकारी दिएको छ । यस क्षेत्रमा बाघले मात्र आतंक फैलाएको छैन, निकुञ्जका अन्य वन्यजन्तुका कारण स्थानीय सधैं त्रासमा छन् । कर्णालीपारिको गेरुवा गाउँपालिका र आसपासका बासिन्दा जागाराम बस्नुपरेको छ ।

‘बाघ लाग्ने डरले दिउँसो एक्लै हिँड्न डरमर्दो छ,’ स्थानीय नरबहादुर साउदले भने । गाउँमा एक सातायता बाघले दुईवटा गाई मारेको छ । बस्ती डुल्न छाडेको छैन । निकुञ्जमा पछिल्लो गणनाअनुसार ८७ वटा बाघ छन् । एउटा भाले बाघले २२ र पोथीले १५ वर्गकिमि क्षेत्रलाई आफ्नो आधार इलाका बनाउने गरेको निकुञ्जका प्रमुख संरक्षण अधिकृत अणनाथ बरालले बताए । बाघको मुख्य बासस्थान बबई र कर्णालीका तटीय क्षेत्र रहेको उनको भनाइ छ ।

केही दिनअघि गेरुवा–६ मा निकुञ्जबाट आएको हात्तीले काशीराम पोखरेलको घर भत्कायो । स्थानीय अंगारु थारूको पसलमा राखेको एक–एक बोरा नुनचामल खायो । पछिल्लो एक महिनामा हात्तीले दुई दर्जनभन्दा बढी घर भत्काएको छ । बालीमा पनि क्षति पुर्‍याएको मनाउ प्रसेनीपुर माविका प्रधानाध्यापक कुमार लामिछानेले बताए । गाउँ वरिपरि दैनिक २५ भन्दा बढी जंगली हात्ती आउने गरेको लामिछानेले जानकारी दिए । हात्ती आतंकले रात पर्नासाथ गेरुवा तटीय क्षेत्रका गाउँघर त्रासले सुनसान हुने गरेको उनको भनाइ छ ।

तीन वर्षअघि गेरुवा–५, हात्तीखल्लाकी ३२ वर्षीया विमला परियारलाई हात्तीले कुल्चेर मार्‍यो । त्यति बेला अन्य तीन जनालाई घाइते बनाएको थियो । १७ वर्षमा हात्ती आक्रमणबाट ५६ जनाको ज्यान गइसकेको निकुञ्जले बताएको छ ।

प्रकाशित : मंसिर २६, २०७६ २०:५६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×