भारतलाई कुस्तीको १४ स्वर्ण, नेपाललाई १३ पदक

कुस्तीमा भारतले १४ स्वर्ण, पाकिस्तानले ३ स्वर्ण, ४ रजत, श्रीलंकाले २ स्वर्ण, १० रजत, २ कांस्य र बंगलादेशले २ रजत, ७ कांस्य पदक जितेका छन् । भारतका लागि पुरुषतर्फ ५७ केजीमा राहुल कुमार, ६५ केजीमा अमित कुमार, ६१ केजीमा रवीन्द्र धैया, ७४ केजीमा गौरव, ८६ केजी तौलमा पवन कुमार, ९७ केजीमा कडियन सत्यवर्ती, १ सय २५ केजीमा सुमितले स्वर्ण जिते । महिलातर्फ ५३ केजीमा पिंकी कुमारी, ५० केजीमा शीतल तोमर, ५७ केजीमा सरिता, ५९ केजीमा अंशु र ६२ केजीमा साक्षी मल्लिक, ६८ केजीमा अनिता, ७६ केजीमा गुरुचरण प्रितले भारतलाई स्वर्ण दिलाए ।

पुरुषतर्फ पाकिस्तानका इनायत उल्हा, ७९ केजीमा अब्दुल रेहमान, ९२ केजीमा मोहम्मद इनामले स्वर्ण जिते । यस्तै पुरुषतर्फ नै ६१ केजीमा मोहम्मद बिलाल, ८६ केजीमा उमर अहमद, ९७ केजीमा तैयब राजा र १ सय २५ केजीमा जमन अनवरले रजत दिलाए ।

महिलातर्फ ६५ केजीमा दिलहानी र ७२ केजीमा अयोमीले श्रीलंकालाई स्वर्ण दिलाए । श्रीलंकालाई महिलाको ६२ केजीमा महिर, ६८ केजीमा मला, ७६ केजीमा चनी, ५० केजीमा रोशनी र पुरुषतर्फ ७० केजीमा अनिल, ७९ केजीमा चनक, ९२ केजीमा सलिथा, ७४ केजीमा लक्मल, ५७ केजीमा कथोरंगना, ६५ केजीमा चमाराले रजत दिलाए भने पुरुष ६१ केजीमा उदर र महिलातर्फ ५३ केजीमा शमिकाले कांस्य प्राप्त गरे ।

बंगलादेशका लागि महिलातर्फ ५५ केजीमा रेमी सरकार र ५९ केजीमा निपैरनले रजत जिते । महिलातर्फ नै ७२ केजीमा अक्टेरोजिना, ६५ केजीमा मोस लक्की, ६२ केजीमा अख्तर शरमिन र ७४ केजीमा शिपोन्षे र पुरुषतर्फ ८६ केजीमा श्री सरोतरय, ९७ केजीमा हवलदेर रसिदले कांस्य पदक दिलाए ।

कुस्ती सकिएपछि नेपालका खेलाडीलाई जनकपुरमा नागरिक अभिनन्दन गरिएको थियो । खेलाडीलाई जनकपुरमा नगर परिक्रमा गराएर स्थानीयले सम्मान गरेका थिए ।

१३ औं सागअन्तर्गत कुस्तीमा पदक ल्याउने नेपाली खेलाडीलाई प्रदेश सरकारले समेत सम्मान गरेको छ । कुस्ती खेलमा नेपालका लागि स्वर्ण जित्ने संगीता धामीसहित पदक ल्याउने १३ खेलाडीलाई मुख्यमन्त्री लालबाबु राउतले सम्मान गरे । संघीय सरकारले खेलाडीको संरक्षणका लागि ध्यान दिनुपर्ने राउतले बताए ।