तेक्वान्दोमा आयशा र सन्जिवकुमारको जोडीले जिते स्वर्ण
काठमाडौँ — १३ औं साग खेल अन्तर्गत तेक्वान्दोको पोम्सेतर्फ युगल जोडीतर्फ २९ वर्ष माथिको उमेर समुहमा नेपालकी आयशा शाक्य र सन्जिवकुमार ओझाको जोडीले स्वर्ण जितेका छन् । उनीहरुको जोडीले कुल ८.१६० अंक प्राप्त गर्दै स्वर्ण निश्चित गरेका हुन् ।
यस्तै रजत पदक हात पारेका मेहरुन निशा र शाहबाज अहमदको जोडीले ७.८६० अंक प्राप्त गरे भने कास्य पदक विजेता बंगलादेशका दीपु चक्मा र मौसुमेको जोडीले ७.८५० अंक हासिल गरे ।
कराँतेका मण्डेकाजी श्रेष्ठसँगै यो सागमा दुईवटा पदक जित्ने आयशा दोस्रो खेलाडी भएकी छिन् । उनले यसअघि आफ्नो एकल प्रतिस्पर्धामा पनि स्वर्ण जितेकी थिइन् ।
प्रकाशित : मंसिर १६, २०७६ १६:४२प्रतिक्रिया