रेग्मीलाई जिम्मेवारीबाट हटाउनेबारेको रिटमा दरपीठ
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं, फाल्गुन १९ - प्रधानन्यायाधीशलाई न्यायपालिकाको जिम्मेवारीबाट हटाई स्वतन्त्र न्यायपालिकाको सम्मान हुने गरी परमादेश जारी गर्न माग गर्दै दायर गर्न खोजिएको रिट सर्वोच्च अदालत प्रशासनले दर्ता गर्न इन्कार गर्दै दरपीठ गरेको छ ।
'न्यायपालिकाको प्रमुखका हैसियतमा रहँदारहँदै मन्त्रिपरिषद्को अध्यक्षता गर्ने सम्बन्धमा गत सोमबार प्रधानन्यायाधीशको निर्देशनमा सर्वोच्च अदालतबाट विज्ञप्ति जारी गर्ने कामले शक्ति पृथकीकरणको सिद्धान्तको उल्लंघन गरेको र त्यो संवैधानिक व्यवस्थाविपरीत भएको' भन्दै उनलाई न्यायपालिकाको प्रमुखको जिम्मेवारीमा राखिराख्ने कार्यलाई असंवैधानिक घोषणा गरी न्यायपालिकाको जिम्मेवारीबाट अलग राख्न माग गर्दै रिट दर्ता गर्न खोजिएको थियो ।
तर सर्वोच्च अदालतका रजिस्ट्रार लोकहितचन्द्र शाहले 'यस रिटमा उठाइएका प्रश्नहरू यसअघि परेको अधिवक्ता ओमप्रकाश अर्यालविरुद्ध राष्ट्रपतिको कार्यालयसमेतको रिटमा उठाइएको र त्यस रिटबाट उठाइएका प्रश्नको निरूपण हुँदा यस रिटमा उठाइएका प्रश्नहरूको पनि निरूपण हुने भएकाले यस रिट दर्ता गर्न मिलेन' भन्ने बेहोरा उल्लेख गरी दरपीठ गरेका हुन् ।
प्रकाशित मिति: २०६९ फाल्गुन १९ १२:१६
तपाईंको प्रतिकृया